सुदूरखबर डटकम

बच्चा देखी बुढा पाखाला मन पर्ने गुदपाक देखी पुष्टकारीले यस्ता असर पर्न सक्छन, खाँदा ध्यान दिनुहोस्

label समाचार प्रकाशक query_builder October, 08 2019

दशैंमा घर जानेले घर लैजाने कोशेलीको जोहो शुरु भएको छ । कोशेली अर्थात मिठाइका रुपमा मीठो खानेकुरा लैजाने सोचका साथ धेरैको रोजाइ गुदपाक तथा पुस्टकारी बन्ने गर्दछ । गुदपाक र पुस्टकारी धेरैले रुचाएको गुलियो खानेकुरा हुन् ।

बजारमा पाइने सबै गुदपाक/पुस्टकारी स्वास्थ्यका लागि फाइदाजनक हुन्छन् भन्ने हुँदैन । ती स्वादिष्ट त हुन्छन्, यद्यपि स्वादका नाममा तिनले मानवीय स्वास्थ्यमा नकारात्मक असर पुर्‍याइरहेका हुन्छन् ।

गुदपाक र पुस्टकारी खाँदा यी कुरामा ध्यान दिनुहोला

कतिपय पुस्टकारीमा रसायनसमेत मिसाएर बनाइएको हुन्छ। यस्ता रसायनयुक्त पदार्थ अखाद्य हुन्। गुदपाक पनि विभिन्न रङ हालेर बनाइएको हुन्छ। कतिपय खान मिल्ने रङ पनि हुन्छ भने धेरैजसो अखाद्य।
गुदपाक/पुस्टकारीमा अत्यधिक मात्रामा गुलियो हुन्छ। जो स्वास्थ्यका दृष्टिकोणले राम्रो मानिँदैन। बच्चाले यस्ता गुलिया खानेकुरा धेरै रुचाउँछन्। खाएपछि राम्रोसँग कुल्ला नगरेमा त्यो दाँतमा अड्किन्छ।
दाँतमा किरा लाग्ने, दाँत बिग्रने, मधुमेह, डायबिटिजजस्ता रोग निम्तिने हुन्छ।
यी पदार्थ बालबालिकाले बढी खाएमा मोटोपना ल्याउँछ। त्यस्तै, मोटोपना भएका वयस्कलाई हृदयाघातको सम्भावना उच्च रहन्छ।
गुदपाक/पुस्टकारीको सेवनले रगतमा चिनीको मात्रा बढी हुन्छ। फलस्वरूप मधुमेहसमेत हुन्छ।
रगतमा ग्लुकोजको मात्रा तीव्र गतिमा बढ्ने भएकाले उच्च रक्तचाप हुने डर हुन्छ।
रंगीन बनाउन प्रयोग गरिने विभिन्न रङले कलेजोमा समस्या हुन सक्छ।

तपाईंको प्रतिक्रिया दिनुस्