सुदूरखबर डटकम

अमेरिकामा भिसा अवधि थप र ग्रीन कार्ड लिने प्रक्रियामा कडाइ

label सुदूर खबर संवाददाता query_builder August, 13 2019

काठमाडौं, साउन २८ । कानुनी रुपमै अमेरिकामा बसोबास गर्दै आएका आप्रवासीहरुको भिसा अवधि बढाउने र ग्रीन काड पाउने प्रक्रियामा अमेरिकी सरकारले कडाइ गर्ने भएको छ ।

नयाँ नियम लागू भएसँगै एक वर्ष वा सो भन्दा बढी समयदेखि सरकारी सुविधा वा अन्यत्र आश्रित रहेका आप्रवासीहरु प्रभावित हुने अन्तर्राष्ट्रिय समाचार संस्था बिबिसीले जनाएको छ ।

आगामी अक्टोबरबाट लागू हुने भनिएको नयाँ नियम अनुसार भविष्यमा अमेरिकी सरकारको सेवा वा योजनामा आश्रित हुन चाहने आप्रवासीहरुको निवेदन अस्वीकृत गर्नसक्ने बताइएको छ । सरकारी अधिकारीहरुले आफ्ना नागरिकको हितका लागि आप्रवासीहरुमाथि कठोर नियम बनाउनुपरेको प्रतिक्रिया दिएको छ ।

अमेरिकी नागरिकता तथा आप्रवासन सेवाका कार्यबाहक निर्देशक केन कूच्चिनेले ग्रीन कार्डका लागि निवेदन दिनेहरुको वित्तिय अवस्था, शिक्षा, उमेर र अंग्रेजी भाषामा रहेको दख्खलतालाई मापदण्ड बनाएर निर्णय लिइने बताए ।

  • एजेन्सी
तपाईंको प्रतिक्रिया दिनुस्
Loading...
सुदूर खबर संवाददाता

सुदूर खबर संवाददाता

सुदूर खबर अनलाइन मिडिया प्रा.लि. द्वारा सञ्चालित यो (www.sudurkhabar.com) सुदूर पश्चिमको पहिलो र एक मात्र आधिकारिक अनलाइन न्यूज पोर्टल समयानुसार पाईलाहरु अगाडि बढाउँदै सही सूचना र निश्पक्ष समाचार सम्प्रेषण गर्न हामी तपाई माझ उपस्थित छौँ ।