सुदूरखबर डटकम

कैलालीमा डेंगुको संक्रमण ! डेंगु कस्तो खाले रोग हो ? समस्या देखि सामधानका उपाए वारे जानकारी

label जीवन बिष्ट query_builder August, 17 2019

धनगढी साउन-३२ ।
कैलालीमा डेंगुको संक्रमण बढेको छ । टिकापुर अस्पतालमा एक महिलामा डेंगु रोगको संक्रमण देखिएको छ । जानकी गाँउपालीका – ८ की ५५ बर्षिय निर्मला बिकमा डेंगु रोगको संक्रमण देखिएको सुदूरपश्चिम स्वास्थ्य निर्देशनालयले जनाएको छ ।
जानकी गाँउपालीका – ८ की ५५ बर्षिय निर्मला बिकमा डेंगु रोगको संक्रमण देखिएको निर्देशनालयका भेक्टरकन्ट्रोल सुपरभाइजर हेमराज जोशीले जानकारी दिए । ज्वरो आयर अस्पताल भनानए भएकी बिकको रगत जाँच गरेपछि डेंगु देखिएको जोशीले बताए । बिक एक महिना अघि मात्रै भारतबाट फर्किएको र त्यहिं डेंगुको संक्रमण भएको हुन सक्ने उनले बताए ।
दिउँसो टोक्ने लामखुट्टेले हुने डेंगु संक्रमण बिस्तारै फैलिँदै गएको सेतिअञ्चल अस्पतालमा कार्यरत डाक्टर निराजन दत्तशर्मा पौडेलले बताए ।
यो वर्ष हालसम्म डेंगुले कसैको ज्यान नगए पनि संक्रमितको संख्या बढ्न सक्ने उनको भनाई छ । उनले भने डेंगु दिउँसो टोक्ने ‘एडिस एजेप्टाई’ र ‘एडिस एल्वोपेक्टस’ नाम गरेको लामखुट्टेले टोकेर हुने तीव्र भाइरल संक्रमण हो । यी लामखुट्टेले नै चिकेनगुनिया, यल्लो फिभर, जिका संक्रमणसमेत फैलाउँछ । त्यसैले बिशेष सजगहुनु पर्दछ ।
डेगुंको संक्रमण देखिए तत्कालै उपचार नगरे मानिसको मृत्युसमेत हुन सक्ने डा. शर्माले बताए । उनले थपे, डेंगुका लागि कुनै विशिष्ट उपचार नभए पनी छिटो रोग पत्ता लागेर सही चिकित्सकीय हेरचाह भए मृत्युदर १ प्रतिशत भन्दा कम हुन्छ ।
रोगीमा ‘डेंगु हेमोरेजिक’ ज्वरो वा ‘डेंगु सक सिन्ड्रोम’ तर्फ संकेत गर्ने एउटा पनि लक्षण देखिएको अवस्थामा तत्कालै अस्पतालमा भर्ना गरी उपचार गर्नुपर्ने डा शर्माले बताए । उनले भने समयमै रोग पहिचान गरी उचित उपचार सुरु गरे ‘डेंगु हेमोरेजिक’ ज्वरो वा ‘डेंगु सक सिन्ड्रोम’ को समेत सम्पूर्ण उपचार सम्भव छ ।
घरवरपर सफा राख्ने,दिउँसो शरीर छोप्ने लुगा लगाउने,पानीका भाँडाकुँडा,ट्यांकी छोपेर राख्नु पर्ने अनावश्यक पानीको चुहावट रोक्ने गरे यो रोगबाट बच्न सकिने चिकित्सकहरु बताउछन् ।
जनमानसमा चेतनाको कमी भएको कारण डेगुंको संक्रमण बढ्दै गएको छ । हाल सम्म यसको सक्रमणले कसैको ज्यान नभए पनी संक्रमण रोक्न नसकिए नजाला भन्न सकिदैन । यस तर्फ सर्वसाधारण र सरोकारवाला निकायले वेलैमा सचेतना अपनाउन जरुरी छ ।
डेंगु के हो ?
डेंगु एक प्रकारको ज्वरो हो । यो लामखुट्टेको टोकाइबाट सर्ने संक्रामक रोग हो । डेंगुको भाइरसद्वारा संक्रमित भएको एडिस एजिप्टाई जातको पोथी लामखुट्टेले यो रोग सार्दछ । यो रोग सार्ने लामखुट्टे ग्रामीण क्षेत्रभन्दा शहरी क्षेत्रमा बढी पाइने गर्दछ ।
यसले स–साना सफा पानी जमेको स्थानमा फुल पार्ने गर्दछ । खास गरी वर्षाको पानी जम्ने टीनका डब्बाहरू, रंगका खाली डब्बा, थोत्रो टायर, अलकत्रा वा मट्टितेलका खाली ड्रमहरू, फुलदानी, गमला, पानीका ट्ंयाकी आदिमा यस्ले फुल पार्दछ । सहरी क्षेत्रमा यस्ता वस्तुहरू पर्याप्तमात्रामा हुने भएकाले पनि यो लामखुट्टे सहरमा बढी पाइने गर्दछ ।
डेंगु एडिस एजेप्टाई र एडिस एल्वौपेक्टस नामक लामखुट्टेले टोकेर हुने तीब्र भाइरल संक्रमण हो । यो भाइरस डेंगु १, डेंगु २, डेंगु ३ र डेंगु ४ गरी चार प्रकारका हुन्छन् । एडिज लामखट्टे कालो रंगको हुन्छ, जसमा सेतो थोप्लो पनि देखिन्छ । यो लामखुट्टेले विशेषगरी दिउँसो टोक्ने गर्दछ । औलो उत्पन्न गर्ने लामुखट्टे फोहोर पानीमा पाइने भए पनि डेंगु सार्ने लामखुट्टेले थुप्रै दिनदेखि हलचल नभएको स्वच्छ पानीमा फुल पार्छ ।
डेंगु रोग क्लासिक डेंगु, हेमोरेजिक र साक सिन्ड्रोमगरी तिन प्रकारका छन । क्लासिक डेंगु सामान्य प्रकारको डेंगु हो । यो आफंै निको हुन्छ, मृत्युको सम्भावना कम हुन्छ । तर यदि कुनै व्यक्तिलाई डेंगु हेमोरेजिक ज्वरो वा डेंगु साक सिन्ड्रोम भएको छ भने यसको उचित प्रकारले उपचार नगरे मृत्यु हुन सक्छ ।
स्वास्थ्य संस्थामा यसको लक्षण अनुसार उपचार गरीन्छ । ज्वरो घटाउन सिटामोल खानुपर्छ तथा प्रशस्त झोल पदार्थ खानुपर्छ । तर ज्वरो घटाउने भनेर एस्पीरीन तथा आईबुप्रोफेन भने खान हुँदैन । डेंग ज्वरो विरुद्धको खोप तथा खास उपचार समेत नभएको हुँदा लामखुट्टेको टोकाइबाट बच्नु नै यस रोगको बचावटको मुख्य उपाय हो । डेंगु ज्वरोको शंका लागेमा हुन सक्ने जटिलताबाट बचाउन तत्काल नजिकैको स्वास्थ्य संस्थामा सम्पर्क राख्नु पर्छ ।
लक्षण
डेंगु ज्वरोको मुख्य लक्षण भनेको एक्कासी उच्च ज्वरो आउनु हो । यो ज्वरो ५ देखि ७ दिनसम्म रहन सक्छ । ज्वरोका साथै निम्न लक्षणहरू पनि देखा पर्दछ ।
– असाध्यै टाउको दुख्ने

–आँखाको गेडी तथा आँखाको पछिल्लो भाग दुख्ने

–ढाड, जोर्नी तथा मांसापेशिहरू दुख्ने

–शरीरमा विमिरा आउने

–वाकवाकी लाग्ने

९ पेट दुख्ने

९ नाक वा गिजाबाट रगत बग्ने

९ रक्तश्राव हुने वा शरीरमा रगत जमेको दागहरू देखापर्ने, बेहोश हुने आदि लक्षणहरू पनि देखा पर्न सक्छ ।

बच्ने उपाय

–डेंगु ज्वरोबाट बच्न लामखुट्टेको टोकाइबाट बच्नुका साथै लामखुट्टेको वृद्धि रोक्नु पर्छ ।

–पानी जम्न सक्ने भाँडाहरू जस्तै गमला, फुलदान, खाली बट्टा, अलकत्रा वा मट्टितेलका खाली ड्रमहरू, गाडीका काम नलाग्ने टायरहरू आदिमा पानी जम्न नदिने

–पानीको ट्याङ्किलाई लामखुट्टे प्रवेश गर्न नदिने गरि छोपेर राख्ने

–कुलरमा रहेको पानीमा प्रत्येक हप्ता एक दुई चम्चा मट्टितेल हालिदिने साथै जम्मा भएको पानी सफा गर्ने

–फुलदानिमा रहेको पानी हप्तामा दुई पटक फेर्ने

–यस लामखुट्टेले दिउँसो टोक्ने हुँदा दिउँसो बस्दा बाहुला भएको वा शरिर ढाकिने लुगा लगाउनुपर्छ

–सम्भव भएसम्म दिउँसो सुत्दा पनि झुल प्रयोग गर्नु पर्छ, साथै साना केटाकेटिलार्य जुनसुकै समयमा पनि झुल भित्र सुताउनु पर्दछ ।

–लमखुट्टेको टोकाइबाट बच्न लामखुट्टे भगाउने मलहम दल्न पनि सकिन्छ

–घरका झ्याल ढोकामा जाली लगाउनु उपयुक्त हुन्छ

–घर वरिपरि सफा सुग्घर राख्ने, पानी जम्ने खाल्टा खुल्टी पुर्ने गर्नु पर्छ ।

तपाईंको प्रतिक्रिया दिनुस्
Loading...