सुदूरखबर डटकम

राजेन्द्र सिंह साउदले देउडा गीत मार्फद दिए दशैं तिहार को शुभकामना !

label समाचार प्रकाशक query_builder October, 05 2019

हिन्दू नेपाली हरू को ठूलो चाड विजयादशमीतथा शुभ दीपावली रे छठ पर्व का सुखद उपलक्ष्यमी देश रे विदेश मी बस्से नेपाली आमा, बुबा, दिदी, बहिनी, दाजु, भाइ को सु स्वास्थ्य दीर्घायु रे उत्तरोत्तर प्रगतिकी निउती भौतै भौत शुभकामना व्यक्त गर्दछु ।

“दशै तिहार बिशेष देउडा गित””

– कोई साथी नेपाल बस्दा कोई कोई काली पार
आईगयो दशै रे दुत्या सबलाई नमस्कार !!

– गौरा बाईगै तीज बाईगै दशै को पर्ब हो
दशै दुत्या नेपाली को आफैमा गर्व हो !!

– कति निकि फूलकी डाली डुलन्ना भमरा
दुत्या की फूल की माला दशैका जमरा !!

– फूल पाती है सुरू हुन्छे दश दिन गणी
कोई साथी दशै मी औलो गया हुन्ना भणी !!

– नेपाल मी सबैतीर दशै दुत्या मान्ना
साटन्ना खुसि रे हर्ष निको नौलो खान्ना !!

– कोई साथी पराया देश कोई कोई आफ्ना देश
दशै दुत्या मनाउदै गर्नु आफ्नै भाषा भेष !!

– घर घरमी खुसी रे हर्ष दशै दुत्या बेला
रक्षा गर्नु दुर्गा देवी जन गर्या हेला !!

– साथी संगी जम्मा भई लिङे पिङ खेल्लु
मनाउनु दशै रे दुत्या दुख पीडा झेल्नु !!

-दशै दुत्या घरका दैला फूल अक्षेता बोकी
गरिब दुखी पराया देश रूना छाती ठोकी !!

– बैशाख जेठ का मैना घाम झिक्कै हुदो हो
दशै दुत्या घर औनी मन कति रूदो हो !!

– हासि खुसी दिन बिताउनु न डुलाउनु मन
प्रदेशी कामैमा व्यस्त दशै आया पन !!

– नै लेखिन्या नै धेकिन्या भावनिका भाग
दशै दुत्या आउन्या बेला हृदय मी आग !!

– जाल छनाई जल्यारो छनाई माछि छनाई ताल
कसै की दुत्या रे दशै कसै की बेहाल !!

– मन कति डुल्लो हो कठै चल्ला हुन लहर
कोई सोच्चा दशै रे दुत्या कोई सोच्चा जहर !!

– समझन्ना बाबा रे आमा पाईनै न निसानी
सम्झी सम्झी दशै दुत्या भिजन्छे सिरानी !!

– नै त छ ओखदो कठै! मनका बिमार को
हजारी फूलको माला टल्क्या निधार को !!

-दिदी बहिनी माईत जान्नी फूल माला लै बोकी
गरिवी जिन्दगी दाई को रून्नी छाती ठोकि !!

– कसैकी फूल की माला कोई खाली निधार
सम्झि सम्झि मन फाटलो दशै रे तिहार !!

– दिदी बहिनी साथी संगी एक्ली लाई होईझान्नी
दिदी हुन्या माला लौन्ना नहुन्या रोईझान्नी !!

– सब्को लिनु आशीर्वाद जन भणकाया रिती
दुर्गा माता लक्ष्मी माता गरिदियो थिती !!

– गोठ पाण निकोई होईझौ दशै दुत्या फापौ
निका को संगत गर्नु दुस्मन टाढा भागौ !!

– रिति थिती बचाइ राख्नु पूरा हौन चाहना
दशै दुत्या ७६ सालको छ शुभकामना !!

शुभकामना !! शुभकामना !! शुभकामना !!!

हिन्दु नेपाली हरुको महान चाड बिजया दशमी तथा शुभ दीपावली र छठ पर्व २०७६सालको पावन अवसरमा सम्पूर्ण सिगास गाउँपालिका बासी आमा, बुबा, दिदी, बहिनी, दाजु, भाइ, समाजसेवी, बुद्धिजीवी, सञ्चारकर्मी, पत्रकार, उद्योगी, व्यापारी, व्यवसायी , सिगास गाउपालिका भित्र का जनप्रतिनिधि, वडा सदस्य, महिला सदस्य हरू, आमा समूह, नागरिक समाज, शिक्षक, बिधार्थी, अभिभावक, सरकारी तथा गैरसरकारी संघ संस्थाका प्रतिनिधि, युवा क्लब, साहित्यकार, कलाकार,सञ्चारकर्मी, पत्रकार, राष्ट्र तथा नागरिक को सेवा मा तल्लीन शुरक्षाकर्मी, गरी खाने वर्ग, सडक बालबालिका तथा स्वदेश विदेशमा छरिएर रहनुभएका सम्पूर्ण नेपाली दाजुभाइ तथा दिदी बहिनी हरू को सुस्वास्थ्य, दीर्घायु तथा उत्तरोत्तर प्रगतिको कामना सहित सिगास गाउपालिका मा आर्थिक सम्बृद्धि को लागि युवा को साथ अजम्बर को कामना सहित विजयादशमी तथा शुभ दीपावली को हार्दिक मङगलमय शुभकामना व्यक्त गर्दछु ।

राजेन्द्र सिह साउद सिगास गाउपालिका बैतडी
सुदूरपश्चिमप्रदेश नेपाल

तपाईंको प्रतिक्रिया दिनुस्